59 clubs da cidade reciben 320.000 euros dentro do programa municipal de Escolas Deportivas
As Escolas Deportivas xa contan con 4.400 inscritos distribuídos en 59 clubs ou federacións de 37 disciplinas diferentes. O alcalde explicou que esta práctica deportiva está subvencionada nun 50% cun orzamento que este ano se eleva a 320.000 euros.
O programa de Escolas Deportivas, para alumnado de 6 a 18 anos, subvenciona o 50% da actividade de cada usuario e conta cun orzamento de 320.000 euros. Neste curso hai 59 clubs ou federacións que imparten 37 disciplinas deportivas aos 4.400 alumnos inscritos ata o de agora, aínda que hai capacidade para que se sumen máis alumnos -entre 5.000 ou 6.000 prazas. Nesta ocasión incorporamos cinco novas modalidades (hip-hop, ciclismo BTT -de montaña-, fútbol gaélico, hockey en liña e patinaxe de velocidade), ademais de sete novas entidades deportivas.
Descargar todas as imaxes