O concelleiro de Deportes anuncia que a Praza do Rei converterase de xoves a domingo nun gran circuíto de karts
A décima edición de Xirakarting, o circuíto de karts itinerante que percorre Galicia para promocionar a iniciación ao mundo do automobilismo, chega a Vigo este xoves 14 e instalarase na Praza do Rei ata o domingo.
Manel Fernández, concelleiro de Deportes, presentou a actividade, que conta co patrocinio municipal e ademais terá como colofón un campionato para nenos e nenas de 4 a 7 anos o domingo, na que será terceira proba da Rookies Cup da Federación Galega de Automobilismo. "Traballamos para que sexa un gran éxito, para que a xente poida gozar e participar nesta novedosa actividade", explicou o edil.
En representación de Gadis, patrocinador privado destes vinte días do circuíto de karts por Galicia, iniciados en maio en Lugo e que, tras percorrer outras cidades, rematarán en Vigo, Pablo Louro asegurou que esta iniciativa "ten bastante éxito alí onde vai" e a cadea de supermercados a fomentará con invitacións por mercas superiores a 50 euros nos seus establecementos ou con vales desconto en cada ticket.
A organización, RGM Eventos, recoñeceu estar "ufana" pola ubicación do circuíto este ano, explicou Raquel González, e lembrou a súa sensibilidade coas persoas con calquera discapacidade, para quen conta con dous karts adaptados. Ademais, hai karts infantís e de competición. "Queremos que todo o mundo goce da pilotaxe".
O Concello pon a disposición do programa municipal de escolas deportivas ata 500 invitacións.
Descargar todas as imaxes
En representación de Gadis, patrocinador privado destes vinte días do circuíto de karts por Galicia, iniciados en maio en Lugo e que, tras percorrer outras cidades, rematarán en Vigo, Pablo Louro asegurou que esta iniciativa "ten bastante éxito alí onde vai" e a cadea de supermercados a fomentará con invitacións por mercas superiores a 50 euros nos seus establecementos ou con vales desconto en cada ticket.
A organización, RGM Eventos, recoñeceu estar "ufana" pola ubicación do circuíto este ano, explicou Raquel González, e lembrou a súa sensibilidade coas persoas con calquera discapacidade, para quen conta con dous karts adaptados. Ademais, hai karts infantís e de competición. "Queremos que todo o mundo goce da pilotaxe".
O Concello pon a disposición do programa municipal de escolas deportivas ata 500 invitacións.