O alcalde destaca que o 90% do emprego que xera o Clúster da Automoción está na Área Metropolitana

O alcalde coñeceu esta mañá o terceiro Plan Estratéxico 2016-2020 do Clúster da Automoción durante un encontro que mantivo cos responsables dunha "entidade da maior importancia en Vigo". En rolda de prensa, lembrou que este sector xera 19.000 empregos directos, cifra que supera os 40.000 sumando os inducidos e destacou que o 90% destes postos de traballo xenéranse na Área Metropolitana de Vigo, "unha gran área de desenvolvemento da automoción". Durante o encontro, que serviu para poñer puntos en común, o rexedor reiterou o seu compromiso no apoio a este sector industrial e económico fundamental para a cidade.