Entrega dos premios ”Galegas destacadas” ao labor feminino ante a marea negra
A asociación de mulleres ”Diálogos 90” entregará os premios ”Galegas destacadas 2002”, adicado este ano ao labor das mulleres perante a marea negra, no transcurso dunha recepción oficial que se celebrará o sábado 8 de febreiro ás 13:00 nas dependencias da Alcaldía.
As distincións recaerán nesta edición en tres colectivos para premiar o esforzo realizado por mulleres ante a chegada do fuel ao litoral galego. Eva Cordeiro, Marisa Paz, Mila Bastón e Agustina Soto, pertencentes á lonxa de Cangas, recollerán o premio en representación das traballadoras do mar: Laura Fernández Pérez, pola organización do voluntariado, e Ana Guantes, polo labor dos medios de comunicación.
Estes galardóns distinguen, desde 1993, o traballo de mulleres destacadas tanto polo seu público recoñecemento como por desempeñar o seu labor no anonimato. Luz Casal, Carmen Avendaño, Luz Pozo Garza, Rosa Fontaíña, Aida Fernández ou Xohana Torres foron algunhas das mulleres condecoradas nas pasadas edicións.
Este premio organízase o 8 de febreiro co gallo da celebración da efeméride do pasamento da ilustre pensadora e escritora Concepción Arenal. Previo ao acto de entrega das distincións, realízase unha ofrenda floral no monumento funerario desta célebre galega situado no cemiterio de Pereiró.
Descargar todas as imaxes
As distincións recaerán nesta edición en tres colectivos para premiar o esforzo realizado por mulleres ante a chegada do fuel ao litoral galego. Eva Cordeiro, Marisa Paz, Mila Bastón e Agustina Soto, pertencentes á lonxa de Cangas, recollerán o premio en representación das traballadoras do mar: Laura Fernández Pérez, pola organización do voluntariado, e Ana Guantes, polo labor dos medios de comunicación.
Estes galardóns distinguen, desde 1993, o traballo de mulleres destacadas tanto polo seu público recoñecemento como por desempeñar o seu labor no anonimato. Luz Casal, Carmen Avendaño, Luz Pozo Garza, Rosa Fontaíña, Aida Fernández ou Xohana Torres foron algunhas das mulleres condecoradas nas pasadas edicións.
Este premio organízase o 8 de febreiro co gallo da celebración da efeméride do pasamento da ilustre pensadora e escritora Concepción Arenal. Previo ao acto de entrega das distincións, realízase unha ofrenda floral no monumento funerario desta célebre galega situado no cemiterio de Pereiró.