O Maratón Fotográfico chega a súa XIX edición
A Agrupación Fotográfica Galega organiza, un ano máis, co patrocinio do Concello de Vigo e dentro do programa Vigo en Festas, a XIX edición do Maratón Fotográfico. A cita terá lugar o día 2 de agosto ás 21.00 horas cunha duración de 24 horas. Os participantes deberán aboar 10 euros en concepto de inscripción.
A saída da XIX edición do Maratón Fotográfico terá lugar na Praza do Pobo Galego o vindeiro 2 de agosto, sábado, ás 21.00 horas. Os participantes terán ata as 20.00 horas do domingo, día 3 de agosto para realizar as súas fotos e entregalas na Praza do Rei. Na maratón poderán participar todas aquelas persoas maiores de catorce anos que formalicen a súa inscrición, que ten un prezo de dez euros, o día do maratón na Praza do Pobo Galego entre as 20:00 e 20:45 horas. Os interesados tamén poderán realizar unha preinscrición vía correo electrónico na seguinte dirección: fotomaraton@agrupacionfotograficagalega.com.
Na maratón os participantes deberán fotografar catro temas que serán facilitados pola organización. O xurado, que valorará a imaxinación e a frescura das fotografías, premiará aos gañadores con 1.000 euros para o primeiro, 500 euros para o segundo e un terceiro premio de 300 euros.
Descargar todas as imaxes
Na maratón os participantes deberán fotografar catro temas que serán facilitados pola organización. O xurado, que valorará a imaxinación e a frescura das fotografías, premiará aos gañadores con 1.000 euros para o primeiro, 500 euros para o segundo e un terceiro premio de 300 euros.