Urbanismo informa favorablemente o proxecto da Autoridade Portuaria de acondicionar os silos
Abel Caballero deu conta hoxe mércores do informe asinado pola concelleira de Urbanismo, Carmela Silva, dando vía libre ao proxecto de acondicionar o espazo dos silos diseñado pola Autoridade Portuaria. O rexedor remarcou a trascendencia do cable na historia da cidade, lembrando que que a mediados do século XIX, mentres o resto de España se rexía pola hora solar, "en Vigo xa funcionábamos ao minuto".
A tenente de alcalde e concelleira de Urbanismo, Carme Silva, asinou un informe favorable á solicitude da Autoridade Portuaria para o proxecto de acondicionamento da explanada no lado oeste do peirao de trasantlánticos. Trátase dixo o rexedor amosando a súa "satisfacción", de actuar no espazo ocupada pola antiga Base de Cableros e que mantén seis depósitos de formigón armado valeiros nos que se almacenaban os cables telefónicos. O deseño prevé encher cinco dos seis silos valeiros con terra e axardinalos, mentres que o outro acollerá un centro de interpretación da historia dos silos na cidade. Caballero lembrou que a mediados do século XIX, mentres o resto de España se rexía pola hora solar, "en Vigo xa funcionábamos ao minuto".