Caballero anima aos escolares a usar o galego na saída da edición de 2013 do Correlingua
O alcalde de Vigo, xunto a distintos membros da Corporación Municipal, participaron este mércores na saída da décimo terceira edición do Correlingua, que reuníu na Praza do Rei a uns 1.500 alumnos e alumnas que partiron ata o parque de Castrelos. Caballero animounos a empregar o galego como "a chave do mundo", o lema de 2013.
O alcalde amosouse "encantado" da celebración dunha nova edición do Correlingua, para "camiñar en galego, falar e facer galego, e vivir Galicia en galego". A deste ano ten o engadido da celebración dos 150 anos desde a publicación en Vigo de "Cantares Gallegos" de Rosalía de Castro.
Descargar todas as imaxes