A campaña municipal Unha bici-un sorriso permitirá entregar 187 vehículos a nenos e nenas de Vigo

Os Reis Magos achegarán nos próximos días 187 bicicletas a outros tantos nenos de Vigo, dentro do programa Unha bici.un sorriso, que a Concellería de Benestar Social puxo en marcha en colaboración coa Fundación Celta, A Golpe de Pedal e dez tendas especializadas de Vigo. O alcalde achegouse esta mañá ao Parque Municipal de Santa Cristina de Lavadores para revisar os vehículos e agradecer a todos os colaboradores o seu esforzo para que estes nenos poidan ter este ano a súa bici. A campaña de recollida de bicicletas, donadas por particulares e posteriormente arranxadas, permitiu reunir 210 vehículos, dos que 134 xa están para entregar, 53 están a piques de estar en estado óptimo, mentres que 23 tiveron que ser descartadas polo seu estado de deterioro.