O Parque Infantil de Nadal reuniu na súa primeira xornada máis de 1.000 nenos no Auditorio Mar de Vigo

Abel Caballero achegouse por segunda vez ao Parque Infantil de Nadal organizado polo Concello no Auditorio Mar de Vigo para comprobar como disfrutan os máis pequenos das múltiples actividades que se desenvolven no vestíbulo do edificio desde onte e durante tres días. Deste xeito e tal e como explicou o rexedor, nenos desde 1 ano poderán divertirse ata mañá nos xogos, obradoiros, espectáculos, na granxa, coas actuacións de Popín ou o Paxe Real, entre outras actividades. Cualificou de "excepcional" a idea de organizar unha iniciativa como esta no centro da cidade, a un prezo simbólico dun euro, "porque a cidade o demandaba".