Caballero felicita á cidade pola "gran Reconquista"
Vigo encheu rúas e prazas durante a fin de semana con motivo da festa da Reconquista. O alcalde celebrou que milleiros de cidadáns e cidadás celebraran esta romaría urbana e felicitou á cidade "pola gran Reconquista". "Foi unha boa forma de celebrar o noso 215 aniversario da nosa independencia", manifestou o rexedor. Cualificou a representación teatral da expulsión do exército francés como "maxistral" e considerou boa idea medrar os espazos da Reconquista ata a rúa Elduayen e Paseo Alfonso: "Abriu unha nova perspectiva".
