O alcalde deu lectura este venres ao fallo do Concurso Internacional de Arquitectura SC2013 Spain-China que propuxo ideas para o entorno da Panificadora. Catro arquitectos chineses levaron o primeiro premio nun certame que puxo "a Vigo no mapa da arquitectura mundial", segundo afirmou Caballero.
A Xunta de Goberno Local deu luz verde á nova Ordenanza Municipal Reguladora de Inspección Técnica que, ademáis de mellorar a actual ITE, supón unha adaptación á nova directiva estatal. Caballero explicou en rolda de prensa que Vigo é á primeira cidade en asumir as novas directrices.
A Xerencia de Urbanismo iniciou o expediente de modificación puntual do Plan Xeral no PERI San Roque, un ámbito no que se van construir 500 vivendas, das que un 20% serán protexidas. Serán dous bloques de entre 2 e 7 alturas e 910 prazas de aparcamento.
O alcalde congratulouse este venres da decisión da Federación, a petición do Real Club Celta co apoio do Concello de Vigo. España, Alemaña, Lituania e Dinamarca xogarán un cuadrangular en Balaídos en maio no que o vencedor acadará o pase directo ao Mundial sub-19.