Caballero inaugurou este luns a primeira das dúas fases da humanización da rúa Brasil, na que o goberno local inviste 1,9 millóns. O alcalde adiantou que os seis millóns do superávit do Concello do pasado ano irán "masivamente para humanizacións", unha "reclamación prácticamente xeralizada nesta cidade".
O alcalde achegouse hoxe luns ata as instalacións do Centro de Educación Especial Menela, que traballa con nenos e nenas con autismo. Caballero reiterou a súa vocación de seguir a cooperar una entidade que fai un traballo "exepcional" á que na actualidade lle cede o pavillón de Coia para realizar actividades de educación física, ademais do convenio para a posta en marcha do Programa Respiro Familiar, dotado de 15.000 euros.
O alcalde fixo balance hoxe luns dos traballos realizados para a posta en marcha da temporada de praias, que xa comezou. De feito, hoxe mesmo mantivo un encontro con parte dos operarios que van velar durante seis meses polo bo estado dos arenais e os seus accesos.
A Concellería de Cultura e Festas e mailo grupo Aletheia-Vigo organizan as XXI Xornadas de Filosofía, que terán lugar no Auditorio Municipal do Concello os días 8, 9 e 10 de maio, de 16,30 h a 21,00 h. As xornadas, baixo o título "Albíscase unha nova etapa histórica?". Claves para abordar o futuro", contarán con conferencias sobre o progreso moral, a crise, as reformas do mercado laboral e o desemprego, etc. Os conferenciantes serán Javier Muguerza, Jesús Mosterín, Francesc de Carreras, Antón Costas Comesaña, Ubaldo Martínez Veiga e Félix Ovejero Lucas.
O martes 7 de maio, ás 20,00h, terá lugar no Auditorio Municipal do Concello (Praza do Rei, 1), un concerto de piano a catro mans a cargo de Lilya Zilberstein e Pablo Galdo, que conta coa colaboración da Concellería de Cultura e Festas.