O alcalde de Vigo deu conta hoxe martes da aprobación de 454.000 euros para cooperar co mantemento de distintas asociacións da cidade de "acción social". Entre outras, deu conta da achega dun primeiro pago de 151.000 euros á Fundación MARCO, ou de 30.000 euros para os Hermanos Misioneros de los Enfermos Pobres.
Cun investimento de 2,2 millóns de euros, o goberno local está a acometer obras de mellora na rúa Nicaragua, cunha primeira fase prácticamente rematada. Caballero explicou que, deste xeito, se completa a humanización do contorno da Praza Elíptica.
A XVI Media Maratón de Vigo, que regresa tras catorce anos de ausencia, disputarase este domingo (10:00 horas) dende Policarpo Sanz e con máis de mil participantes polo centro de Vigo. "É a primeira da época moderna", sinalou o alcalde na presentación da proba, xa que comezou en 1984 e a súa última edición databa de 1999.
O alcalde, Abel Caballero, e Avelino Muleiro, por parte do grupo organizador Aletheia Vigo, presentaron este martes unha nova edición das Xornadas de Filosofía, que acollerá o Auditorio Municipal do 8 ao 10 de maio baixo o lema "Albíscase unha nova etapa histórica? Claves para abordar o futuro".
Co motivo da celebración este ano dos 150 anos de Cantares Gallegos de Rosalía de Castro, desde a Concellería de Igualdade programa o Relatorio "Daquelas que cantan... O Ronsel de Rosalía de Castro" a cargo de Marga do Val que terá lugar este mércores ás 19 h na Casa das Mulleres ( R/Romil, 20 Durante o mesmo contaremos coa actuación de Alba Rodríguez