luns, 21 feb 2011
Abel Caballero recibiu hoxe luns aos novos axentes da Policía Local de Vigo, 25 efectivos que superaron con éxito as probas de acceso convocadas na oferta pública de emprego municipal e pasarán a incorporarse ao plantel de seguridade local. A formación terá lugar durante tres meses e un cuarto de práctica nas rúas de Vigo. Con esta nova remesa, nos últimos catro anos o plantel da Policía Local foi incrementado en 75 efectivos.
luns, 21 feb 2011
O tenente de alcalde, Santi Domínguez, recolleu hoxe luns as propostas da directiva de Mercacevi para reformar os mercados de Teis, Cabral e O Calvario. O nacionalista comprometeuse a estudar os proxectos e analizar "a forma de afrontalos para seguir co noso plan de ir, pouco a pouco, mellorando os mercados municipais".
luns, 21 feb 2011
O tenente de alcalde, Santi Domínguez, presentou hoxe luns á directiva de Ahosvi as novas iniciativas de promoción turística que vai desenvolver a Tenencia de Alcaldía e a Concellería de Turismo. Unha das novidades será a unidade móbil que percorrerá diferentes cidades do estado español e Portugal para dar a coñecer a oferta turística de Vigo.
luns, 21 feb 2011
O tenente de alcalde, Santi Domínguez, expresou este luns os seus parabéns ao Iveco Universidade de Vigo de Rugby, que onte acadou o ascenso á división de honra tras gañar ao CRC Madrid, nunha recepción que tivo lugar no Auditorio Municipal. O nacionalista, que entregou unha praca conmemorativa ao presidente do club, destacou que con este logro o Iveco ten un labor aínda "máis importante", ao ser espello dos rapaces e rapaces que se acheguen á práctica do rugby.
luns, 21 feb 2011
O alcalde de Vigo, Abel Caballero, e o concelleiro de Distritos, Ángel Rivas, inauguraron o pasado sábado o novo parque infantil ubicado na confluencia das rúas Martínez Garrido e Portela, actuación na que o goberno local investíu 60.000 euros. O Concello instalou pavimento de seguridade, xogos individuais e múltiples e cartelería informativa.
