O alcalde de Vigo, Abel Caballero, acudíu esta mañá a Santiago de Compostela para ratificar a constitución da Agrupación Europea de Cooperación Territorial, a primeira da Península Ibérica, e con sede en Vigo, o que "converte á cidade na capital da Eurorrexión Galicia-Norte de Portugal", salientou o rexedor vigués.
A Fundación VIDE presentou hoxe a nova oferta deportiva de elite para a tempada 2008/09 . A tarxeta de abonado suporá que calquera socio do carné siareiro de elite poderá acceder durante setembro a xuño a un mínimo de 164 partidos que os equipos vigueses programarán como locatarios.
A concellería de Igualdade organiza un obradoiro de autodefensa feminista para mulleres que traballan con mulleres. Trátase dunha formación difícil de atopar no territorio galego, e que se considera oportuno para o currículo das profesionais do eido do xénero. O obradoiro celebrarase os días 6 e 7 de outubro. Esta actividade vai dirixida, preferentemente, a asociacións e colectivos de mulleres.
No Puntoxove da concellaría de Xuventude podese ver a exposición de Montañeiros Celtas "Fotografía de Montaña" que estará no primeiro andar do Puntoxove (López de Neira, 21) ata o 7 de outubro.
Ponse en coñecemento do público en xeral que por mor das obras de canalización de gas, a realizar <br /> pola empresa GAS GALICIA, estará pechada ao tráfico a rúa San Xosé, treito entre Travesía de <br /> Vigo e Numancia, con acceso exclusivo para garaxes, dende o luns 22 de setembro de 2008 ás 10:00 <br /> horas e por un período aproximado dunha semana.