O alcalde informou, en rolda de prensa celebrada tras a Xunta de Goberno Local deste luns, que o Concello aprobou solicitar unha subvención ao INEGA para financiar os estudos encargados para mellorar o transporte público tanto ao Campus Universitario como ao Parque Tecnolóxico vigués. Ambos son "moi pouco eficientes", segundo explicou Abel Caballero.
O tenente de alcalde, Santi Domínguez, inaugurou hoxe a primeira edición da festa romana "Vicus Romanorum", que se desenvolverá ata o vindeiro domingo no Casco Vello. O tenente de alcalde salientou que esta festa nace co dobre obxectivo de recuperar unha parte moi importante da historia da cidade como foi a romanización e ao tempo que contribuir á revitalización do Casco Vello, convertindoo nun foco de atración cultural, lúdica e turística. "Recreando situacións como as que se van vivir no Casco Vello nos vindeiros días xeramos un atractivo máis para o barrio", explicou.
Abel Caballero mantivo este luns un encontro protocolario con Francisco Javier Torres Bonache, o novo Capitán da entidade, onde pasaron revista ás necesidades da Guardia Civil na cidade. O alcalde anunciou que retomará a idea de construir unha nova instalación que aglutine todos os dispositivos do corpo.
A Casa das Artes acolle unha exposición do artista Xosé Guillermo composta por unha seleción de 116 obras, 96 pinturas e 20 esculturas realizadas desde o ano 1967 ata o 2008. A exposición chámase "Danza nos tempos" e se pode visitar desde o martes 2 ata o 28 de setembro.