Así o reflexa a memoria de actividades da Policía Local do pasado 2007, presentada este martes polo concelleiro de Transporte, Mobilidade e Seguridade, Xulio Calviño, e o Xefe da Policía Local, Carmelo Castillo. En 1984 comezou a elaborarse este rexistro e desde entón "estamos en curva descendente" na accidentalidade, acadando o pasado 2007 as mellores cifras, segundo informou Castillo.
O proxecto "O noso taxi", que ten por obxectivo mellorar a capacidade de mobilidade das persoas con dependencia, entrará en funcionamento no mes de setembro, segundo anunciou este martes o tenente de alcalde tras a reunión que mantivo con representantes da Asociación Provincial de Autopatronos do Taxi. O encontro, no que tamén participou a concelleira de Benestar Social, María Méndez. servíu para "concretar os últimos flecos desta iniciativa, que era unha promesa electoral do BNG nas pasadas eleccións municipais", salientou Santi Domínguez.
A concelleira de Economía y Facenda, Parques e Xardíns e Limpeza, Raquel Díaz, e o concelleiro de Promoción Económica, Emprego e Participación Cidadá, Santos Héctor, repasaron hoxe martes as principais actuacións levadas a cabo no primeiro ano ao fronte dos seus respectivos departamentos. O balance é positivo, destacando o Plan Municipal de Emprego, as subvencións ás entidades viguesas, o orzamento municipal, o plan de axardinamento no rural, e o dispositivo de limpeza do botellón.
O tenente de alcalde, Santi Domínguez, e a concelleira de Xuventude, Iolanda Veloso, visitaron este martes a Casa da Xuventude co obxectivo de coñecer de primeira man as demandas e inquedanzas dos mozos e mozas da cidade, xa que este é un colectivo ao que sempre estivo moi achegado. Durante a visita, que se enmarca na rolda de encontros que os concelleiros e concelleiras do BNG realizan periodicamente con distintos colectivos sociais, culturais, veciñais e deportivos da cidade, Santi Domínguez amosou a súa satisfacción polo traballo que se está a desenvolver dende a Casa da Xuventude.