Membros da corporación municipal, con Corina Porro á frente, e cidadáns de Vigo sumáronse á manifestación silenciosa en protesta polos atentados terroristas perpetrados onte en Londres, que causaron decenas de víctimas mortais e centos de feridos.
A alcaldesa, Corina Porro, ofreceu hoxe venres unha rolda de prensa xunto co comandante de Marina Tomás Nodar e o regatista Pedro Campos para dar conta dos actos previstos para o sábado, o domingo e o luns con motivo da visita a Vigo do buque escola da Armada Española "Juan Sebastián de Elcano".
A concellería de Cultura organiza, en colaboración co Club Aéreo de Vigo, un Festival Aéreo que terá lugar o domingo , día 10 de xullo, na praia de Samil a partir das 11:30 horas. No festival, que durará ata ás 13:30 horas, participarán un avión F18, avións apagafogos, a patrulla paracaidista EADA e a patrulla Ágila.
O Verbum continua esta fin de semana coas actividades de dinamización do museo co título “Obradoiro de Xogos” e visitas guiadas para familias, dentro dos acordos do convenio asinado entre a concellería de Cultura e a Universidade. O museo habilitou tamén un espacio como biblioteca.
<br />