A Xunta de Goberno Local acordou a participación do Concello na convocatoria da Deputación Provincial de Pontevedra para as axudas de "Emerxencia Social". Estas axudas están destinadas a familias con problemas de tipo socioeconómico para o acondicionamento de vivendas.
A Concellería de Xuventude organiza, en colaboración coas asociacións xuvenís Abertal e Xentenova, o seu XVII campamento urbano, que se desenvolverá do 1 ao 12 de agosto baixo o lema de "A caixa de Pandora". Nel poden participar nenos e nenas de 8 a 14 anos.
O MARCO inicia os talleres didácticos de verán co título “Arte e matemáticas” que se desenvolverá ata o 17 de setembro de martes a sábados de 12 a 14:00 horas.
A concellería de Deportes organiza para os próximos días 9 e 10 de xullo a Gran Festa da Petanca que se celebrará no campo de fútbol da Bouza.