O concelleiro José Manuel Figueroa explicou que o prego contempla unha duración de 40 anos e 96 millóns de euros, con 30 millóns de euros aportadas polas administracións. O vindeiro luns haberá unha reunión cos grupos políticos para que presenten as súas alegacións ao prego.
O Verbum-Casa das Palabras inicia unha nova etapa con Lois Cea como responsable. Lois Cea, que xa se encargou de pór en marcha o Arquivo Pacheco, ten como obxectivos revitalizar o museo converténdoo en lugar de encontro e potenciando as súas actividades formativas.
O concelleiro de Cultura, Ignacio López-Chaves, presentou a páxina web do Museo Municipal "Quiñones de León". Nesta páxina está contida toda a información relativa ás exposicións e actividades do museo e ás características do Pazo de Castrelos, que o alberga.
Os organizadores pretenden converter a regata Rías Baixas nun referente do sur de Europa na modalidade. A cita terá lugar os días 1, 2 e 3 de xullo entre a ría de Vigo e Baiona.
A concelleira de Participación Cidadá, Marta Iglesias, entrega diplomas ás persoas que asistiron aos cursos de "Internet para Todos" que organizou o Servicio de Atención Cidadá en colaboración co Ministerio de Ciencia e Tecnoloxía, co fin de achegar as novas tecnoloxías a cidadanía. A entrega dos diplomas será ás 18 horas o venres, día 10,no Centro Cívico do Casco Vello.