Corte de tráfico fronte a Casa Mar
Desde as 15:00 horas de mañá venres ata as 21:00 do domingo, os dous carrís contiguos á fachada principal de Casa Mar permanecerán cortados ao tráfico, quedando abertos os dous restantes, debido ás obras de demolición do edificio. O corte de tráfico repetirase os mesmos días e no mesmo horario a próxima fin de semana.
A alcaldesa, Corina Porro, explicou esta decisión baseándose en que as obras deben ser "o menos problemáticas para os cidadáns e o Porto", polo que cómpre "coordinar as accións para que non se interrompa a vida normal da cidade". Ao cortar o tráfico durante as fins de semana quérese evitar perturbalo nos días en que rexistra máis densidade na zona afectada.
A alcaldesa pide de xeito anticipado desculpas aos cidadáns polas molestias que estes cortes de tráfico poden supor.
A alcaldesa pide de xeito anticipado desculpas aos cidadáns polas molestias que estes cortes de tráfico poden supor.