Corina Porro recibe a representantes da Asociación de Veciños de Beade

Acudiron á reunión o presidente da Asociación de Veciños, Benjamín González, o vicepresidente, Manuel Doval, e o segundo vicepresidente, Fernando Alonso. As súas peticións á alcaldesa centráronse na instalación de alumeado público na estrada da Coutada, a posta en servizo dos depósitos de auga de Presas e a humanización dos viais contiguos ao Parque Tecnolóxico de Beade. Ademais, os representantes veciñais expresaron o seu desexo de que o Concello axilice a entrega do importe das subvencións que xa lle concedeu á Asociación.