Vigo rexistra unha ocupación hoteleira media no mes de marzo do 54,2%
Segundo explicou o rexedor, este dato supón ademais un incremento do 10,4% respecto ao mesmo mes do ano pasado, o que confirma a tendencia de crecemento do sector turístico na cidade.
Abel Caballero destacou que Vigo se consolida como a primeira cidade turística de Galicia, tras rexistrar no mes de marzo unha ocupación media hoteleira do 54,2%, “un nivel moi importante e excepcional desde o ano 2019”.
En canto á procedencia dos visitantes, Caballero subliñou a diversidade das orixes: un 13,7% proceden do resto de Galicia, un 47,5% do conxunto de España e un 37% son turistas internacionais. “Estamos ante un turismo moi diversificado, con presenza internacional e estatal moi importante, así como tamén de Galicia”, indicou.
Entre os visitantes estranxeiros destacan especialmente os procedentes de Portugal (27%), Estados Unidos (7,3%), Alemaña (6,5%), Francia (6,2%), Italia (4,5%) e Reino Unido (máis do 4%).
O alcalde puxo en valor que Vigo conta cun “turismo diversificado, con fontes diversas e de extraordinaria calidade”, ao tempo que sinalou que a cidade “aínda ten potencial para seguir xerando máis turismo e de maior calidade nos vindeiros anos”.