Aprobada a oferta de emprego público da Xerencia de Urbanismo
38 prazas integran a oferta de emprego público 2009 da Xerencia de Urbanismo que se aprobou hoxe na reunión do Consello da Xerencia Municipal de Urbanismo e do que deu conta o concelleiro Carlos Font.
As 38 prazas que integran a Oferta de emprego público 2009 que se aprobou son as seguintes: 7 arquitectos, 4 arquitectos técnicos, 2 enxeñeiros industriais, 6 técnicos de admistración xeral, 1 técnico de medio ambiente, 1 programador informático, 11 administrativos, 5 auxiliares administrativos e 1 subalterno. Na convocatoria destas prazas deberá terse en conta a reserva de prazas para promoción interna, de acordo co previsto polo artigo 63.2 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia (publicado no DOG de 13 de xuño de 2008).