O alcalde visita o CEIP Coutada Beade tras a remodelación dos baños e as aulas
Caballero destaca as actuacións realizadas a través do programa Vigo Emprega e reafirma o compromiso do Concello coa educación na cidade. O investimento foi de 35.000 euros.
As obras permitiron renovar os baños dunha das plantas do edificio e substituír o pavimento de dúas aulas do ciclo de Educación Infantil. Durante a visita, o rexedor subliñou a importancia destas actuacións para o reforzo do ensino en Vigo.
O rexedor lembrou que estas actuacións se suman a outras realizadas nos últimos anos no centro. Entre elas, a renovación da pista polideportiva, da cancha de xogos e da zona de aparcamento, así como a construción dun novo comedor escolar e dun acceso cuberto ata estas instalacións para facilitar que os nenos e nenas poidan desprazarse protexidos da choiva durante os meses de inverno.
