Concello de Vigo Vigo org
Xornalxornal.vigo.org
  


Noticias da semana

Suscribirse


 
martes, 31 de xullo de 2012

Imprimir | Enviar | | Compartir:  


Concello e CSIC colaboran nunha campaña de concienciación coas enerxías renovables

Abel Caballero destacou hoxe martes o compromiso de Vigo coas enerxías renovables, enumerando, entre outras medidas, a instalación de leds ou baixo consumo o os molinos de vento para xerar enerxía en moitas humanizacións. Así o explicou na rolda de presentación dunha campaña do CSIC, en colaboración co Concello, baixo o lema A enerxía nos move. Investigamos para obter recursos enerxéticos limpos, eficientes e accesibles.




O alcalde de Vigo, Abel Caballero, presentou hoxe martes a campaña que promove o Consejo Superior de Investigacións Científicas baixo o lema A enerxía nos move. Investigamos para obter recursos enerxéticos limpos, eficientes e accesibles. Durante a rolda de prensa, na que estivo acompañado por Luisa Martínez Lorenzo, responsable de Cultura Científica do CSIC en Galicia, o rexedor destacou a "implicación" do Concello nos proxectos de enerxías sostibles e obtención de enerxías renovables en todos os circuítos nos que é posible.

Concretamente, referiuse a instalación de leds e baixo consumo, a instalación de molinos de vento parar xerar enerxía en moitas humanizacións das que estamos a realizar, a renovación da flota de vehículos municipais por vehículos eléctricos, a instalación de paneis solares fotovoltaicos en distintos edificios municipais como as dependencias de Santa Cristina, ademais de avanzar o estudo do aproveitamento das conducións de auga para montar turbinas subterráneas que aproveiten o desnivel do terreo. Caballero lembrou que foi durante catro anos presidente da Rede de Cidades contra o cambio climático, na que se agrupaban 320 concellos e 32 millóns de persoas, e avanzou a continuidade do compromiso de Vigo con medio ambiente.

A campaña, que se extendenderá desde o 6 ata o 27 de agosto, exhibirá 30 carteis en marquesinas de autobuses, soportes publicitarios e demais mobiliario urbano a pé de rúa en distintas zonas da cidade como Gran Vía, Urzáiz ou Castrelos, entre outras. Segundo explicou Luisa Martínez Lorenzo, esta promoción se está a realizar en diferentes cidades de España co obxectivo de chamar a atención da cidadanía sobre aspectos enerxéticos, nun ano, explicou, proclamado pola Asamblea Xeral das Nacións Unidas como Ano Internacional da Enerxía Sostible para todos.
Mais noticias
Abel Caballero propón ao Estado consensuar a reforma da Lei de Bases de Réxime Local
Caballero visitou a mostra "Mergúllate no Océano" de divulgación do Campus do Mar
Rap e electrónica na Constitución o mércores 1 con Kaixo Sama Vs Elecesar e Bflecha dentro do festival Son de Vigo


Volver á portada

© Gabinete de Prensa - Concello de Vigo 2003