O alcalde e o edil de Educación visitaron este xoves o centro, en Bembrive, logo de que o goberno de Vigo reparara un dos patios, agora dotado de herba artificial. Abel Caballero anunciou que o Concello xestiona a reposición de novos elementos lúdicos para os espazos de recreo dos colexios de Infantil e Primaria da cidade.
O campo de fútbol de Santa Mariña de Cabral sumarase en breve aos corenta e tres terreos de xogo que o Concello renovou nos últimos anos, algúns deles en colaboración coa Deputación de Pontevedra. Tal e como detallou o rexedor, o Concello actuou en 24 campos de fútbol municipais e 19 de titularidade privada cun orzamento de 7 millóns de euros.
O alcalde cifrou esta mañá en 2.258 millóns a débeda histórica da Xunta coa cidade desde 2009, ano no que Alberto Núñez Feijóo se alzou como presidente do Executivo galego. Vigo recibiu nos últimos 13 anos investimentos por valor de apenas 500 millóns a pesar de reunir ao 11% da poboación de toda Galicia.
O alcalde deu conta do avance na organización das festas de Vigo anunciando que esta mañá aprobouse a licitación da produción de todos os espectáculos previstos na cidade durante o verán. O orzamento de partida deste contrato é de 867.122 euros.
Abel Caballero asistiu este xoves á clausura do Foro Fundamental de talento e emprego que, organizado pola Fundación Mentor coa colaboración do Concello entre outras entidades, celebrou tres xornadas de mesas redondas, entrevistas e obradoiros no Auditorio Mar de Vigo. O encontro busca implantar o talento das novas xeracións, desde o estudantado universitario, ata o de FP e dos oficios e o rexedor animou á mocidade participante a aprender dos seus erros e mellorar de forma continuada os seus coñecementos.