O Goberno de Vigo acomete desde este martes a plantación de 75 exemplares de carballos, bidueiros e rododendros cerca do campo de fútbol da Guía, especies autóctonas nun lugar ocupado ata o de agora por eucaliptos e acacias. Caballero puxo en valor que, só no mes de marzo, o Concello plantou 248 novas árbores e outras 700 entregadas ás comunidades de montes.
A Xunta de Goberno Local aprobará o expediente de contratación, por procedemento aberto, das obras de rehabilitación da edificación situada na rúa Alta número 23., e tamén o proxecto de renovación da iluminación do Parque de Castrelos, por 623.000 euros, e a humanización de Severino Covas, cun orzamento de 440.000 euros.
Abel Caballero deu a coñecer este martes a súa proposición para nomear Vigueses Distinguidos aos sete mercados vigueses polo “servizo inestimable que prestaron historicamente a esta cidade”.
Tras o nomeamento aprobado hoxe polo Goberno de España, o rexedor olívico trasladou os seus parabéns a José Manuel Miñones a quen lle desexou “o mellor” e destacando que asume o cargo “cunha boa traxectoria como alcalde, algo que valoro moito porque a actividade política local e municipal ten a maior relevancia”. Amais, enviou a súa felicitación a Javier Losada “que fixo un bo traballo no seu tempo como delegado do Goberno en Galicia”.