A cidade disporá proximamente de 185 semáforos acústicos activados a través do bluetooth do móbil ou cun mando a distancia. O alcalde deu conta esta mañá da instalación de cinco novas unidades, dotadas coa mesma tecnoloxía o que permite a activación do son á demanda do invidente.
O orzamento municipal ascende a 1,6 millóns para acometer unha nova fase da remodelación da Avenida, a cuarta, desde a rúa Águia ata a rúa Merlo. O alcalde destacou que a obra -que se prolongará durante dez meses- renovará as canalizacións de servizos, deixará beirarrúas de seis metros de ancho e ampliará o o arborado e as xardineiras.
Tralo encontro mantido este mércores con Jaime Pereira, presidente da Asociación de Hoteis de Vigo, que lle trasladou a "difícil situación" pola que atravesa o sector cun nivel "moi baixo de ocupación", o rexedor reclama á Xunta de Galicia que lles dea as axudas que lles corresponden e que non lles están chegando.
Abel Caballero acudiu este luns ao campo de O Vao para felicitar aos xogadores do Coruxo pola gran temporada que están a realizar no seu campo na Segunda División B do fútbol nacional. O alcalde recibiu como agasallo unha camiseta co seu nome e departiu durante uns minutos coa directiva e os integrantes do primeiro equipo sobre o terreo de xogo.