A Xunta de Goberno Local deu o visto e prace ao proxecto para rehabilitar o edificio de rúa Alta 23 e levantar o novo Centro de Formación do Casco Vello. O alcalde indicou que a infraestrutura, cun investimento de case 700.000 euros, estará rematada a finais do presente ano.
O Concello de Vigo vén de reformular as bases de concorrencia das axudas ao deporte para que os clubs poidan manter o apoio económico a pesares da redución da actividade imposta pola crise sanitaria. Deste xeito, o goberno local adxudicará achegas directas por valor de case dous millóns de euros para deporte de base e de elite .
A Xunta de Goberno Local aprobou a bolsa de emprego para nomear a diplomados en Traballo Social como interinos. Hoxe venres, Abel Caballero avanzou que a próxima semana prevé sumar oito profesionais á xa contratada en novembro, un reforzo total de nove traballadoras sociais para afrontar o aumento de demanda dos servizos sociais pola pandemia.
A concelleira de Urbanismo, María Xosé Caride, explicou este venres que o goberno municipal concedeu a licenza de demolición aos propietarios en xullo de 2020, cando recibiron a autorización de Patrimonio da Xunta de Galicia logo de oito anos de procedemento coa administración autonómica.