O alcalde avanza que convocará unha sesión extraordinaria do Consello da Xerencia de Urbanismo a próxima semana para a aprobación provisional da modificación puntual do Plan Xeral de Ordenación Urbana para a reordenación do ámbito do Barrio do Cura, un desenvolvemento do que "estamos orgullosísimos", apuntou.
A Xunta de Goberno Local aprobou este venres os proxectos de humanización de 22 rúas da área rural e, na contorna urbana, o proxecto de humanización das rúas Julia Minguillón e Vista Alegre que ten un orzamento superior a un millón de euros.
Antes da sinatura dun convenio co seu presidente, e sobre a conexión ferroviaria, Abel Caballero defendeu este venres a conexión directa Vigo-Madrid, tanto no tren convencional como na Alta Velocidade. O alcalde manifestou que “non acepto que teñamos que viaxar por Santiago”, pois non aforra tempo, e culpou ao PP de parar cinco anos o AVE directo Vigo-Madrid.
Abel Caballero informou este venres da resolución da convocatoria de subvencións a entidades deportivas pola súa actividade na pasada tempada, da que 185 clubs de base resultaron beneficiarias. Ademais, a Xunta de Goberno Local instalará no pavillón da ETEA unha nova pista para ximnasia acrobática.
O goberno de Vigo acordou este venres interpoñer un recurso contencioso-administrativo contra a resolución de 29 de xullo de 2020 do xerente do Consorcio Galego de Servizos de Igualdade e Benestar pola que se obriga ao Concello a abonarlle máis de 100.000 euros polas escolas infantís que xestiona o ente autonómico en Valadares e rúa Palencia.
O alcalde de Vigo inaugurou este venres no MARCO a mostra “Os teus ollos din o que a túa boca cala”, da artista galega Celeste Garrido. A exposición estará aberta na sala de proxectos do primeiro andar do museo vigués ata o vindeiro 14 de febreiro.