Vigo contará cun servizo exclusivo para atender a todas aquelas persoas que queiran empadroarse na cidade. Ante o aumento da demanda, o Concello decidiu abrir un punto físico dedicado tan só a estas solicitudes, mentres que as outras tres xanelas actuais atenderán os trámites de renovacións, modificación de datos persoais e cambios de residencia.
O alcalde volveu denunciar este mércores que a Xunta de Galicia segue sen informar ao Concello de Vigo da evolución da Covid-19 na cidade. Caballero recordou que o goberno local se encarga da vixilancia, da desinfección e da atención social.
Este mércores, Abel Caballero visitou xunto a Carmela Silva as obras de Xena en Ramón Nieto 331 e de Tamara Baz en San Roque 58, dúas novas medianeiras convertidas en arte grazas ao programa municipal “Vigo, cidade de cor”. Ao remate da presente edición, Vigo sumará 133 pinturas en espazos públicos da cidade.
Abel Caballero: “Todo o que contempla a proposta do Ministerio é urxentísimo. E é imprescindible o fondo de 5.000 millóns, o fondo de transportes e poder usar os remanentes”. ”A FEMP non renuncia a nada”, subliña o alcalde e presidente da Federación na Xunta de Portavoces Extraordinaria celebrada este mércores
Abel Caballero e Manuel Martínez, director técnico da Orquestra Clásica de Vigo, presentaron este mércores o ciclo dos tres concertos que conforman a temporada 20.2 da formación, que volve aos escenarios este domingo, 27 de setembro, no Auditorio Municipal coa sección de madeiras interpretando a Mozart.