O Boletín publica hoxe martes a licitación do estudo e seguimento hidrolóxico do Vigo-Ourense por Cerdedo, "moi importante" para a cidade pois "desbloquea" o AVE directo. Abel Caballero celebrou este primeiro paso "fundamental" para a liña, logo de "sete anos metido nun caixón" polo anterior Goberno de España.
O Concello inicia o último tramo da senda fluvial do río Lagares habilitando o tramo que vai desde Manuel Álvarez á avenida de Madrid, cun orzamento que se eleva aos 800.000 euros. O próximo xoves, o goberno local aprobará o proxecto de expropiación de 96 parcelas o que permitirá acometer 3.600 novos metros de paseo.
O alcalde de Vigo, Abel Caballero, valorou a visita que o arquitecto Thom Mayne fixo o pasado luns á cidade para pasar revista ao deseño da nova Estación de Urzaiz. A solución ás propostas do rexedor para integrar a fachada da vella estación e o novo elevador estarán listas no prazo dun mes.
O alcalde visitou este martes a xornada organizada polo goberno de Vigo no parque de Castrelos para conmemorar o Día Mundial dos Humedais, con 120 alumnos dos colexios Canicouva e Mestres Goldar. Vigo conta con 314.000 m2 de zonas húmidas.
A Xunta de Goberno Local aprobou a Memoria de Transformación Dixital do Concello de Vigo que supón mellorar a calidade dos servizos públicos e a conexión con outras administracións públicos ou compañías privadas. O alcalde, Abel Caballero, destacou o avance no proxecto de 5G coa empresa Vodafone.
Abel Caballero visitou este martes a mesa informativa que a entidade instalou no Farol de Urzáiz xunto a unha exposición de retratos de persoas que padecen cancro e dos seus familiares. O obxectivo é convidar á sociedade viguesa a que descubra as emocións desta realidade. O rexedor trasladoulles o apoio do seu goberno ás actividades e ao labor que desenvolven na cidade