Mayne acorda con Caballero integrar a vella fachada da estación e o novo elevador no deseño de Urzaiz
O alcalde de Vigo, Abel Caballero, valorou a visita que o arquitecto Thom Mayne fixo o pasado luns á cidade para pasar revista ao deseño da nova Estación de Urzaiz. A solución ás propostas do rexedor para integrar a fachada da vella estación e o novo elevador estarán listas no prazo dun mes.
O arquitecto Thom Mayne, encargado do deseño da nova estación do AVE de Urzaiz, comprometeuse co alcalde de Vigo a dar solución técnica as peticións de Abel Caballero no prazo dun mes. Así o expuxo este martes o rexedor nunha rolda de prensa na que cualificou como "moi positiva" a visita do urbanista norteamericano.
O prazo de realización da nova estación, segundo indicou o rexedor, é de 30 meses e en tres meses xa haberá estrutura. A empresa construtora considera que o prazo final pode quedar reducido a 24 meses.
"Valorou o proxecto de Vigo como un dos dez mellores que fixo en todo o mundo e pareceulle unha idea excepcional integrar a vella fachada na conxunto da estación", sinalou Caballero ante os medios de comunicación.
Segundo explicou o alcalde, o arquitecto estudará primeiro como se sitúa a vella fachada ante o muro de Vía Norte. "Ten o problema de que a fachada sobresae, pero por sorte é un pastiche, polo que suxire arrimalo contra as escaleiras e así pódese entrar", explicou.
A seguridade será un dos factores fundamentais neste encargo, mentres que no caso do ascensor público que conectará García Barbón coa estación Caballero e Mayne tiveron "intercambio de opinións".
"O ascensor vaise a facer porque é importantísimo, a cuestión a decidir é que pasa cando peche a estación, porque é un ascensor público, non da estación ni do centro comercial", sinalou o alcalde antes de engadir que ao arquitecto pareceulle ben unha única saída.
Caballero tamén explicou que a decisión debe tomarse no prazo dun mes, porque hai que cambiar o deseño das estruturas onde van as pasarelas para tomar a decisión definitiva de se será unha saída, dúas ou unha que se bifurca, así como onde apoia.
"Temos en marcha unha obra excepcional, tamén paralizada durante cinco anos, pero a esta cidade non hai quen a pare", concluíu Abel Caballero.
Descargar todas as imaxes
O prazo de realización da nova estación, segundo indicou o rexedor, é de 30 meses e en tres meses xa haberá estrutura. A empresa construtora considera que o prazo final pode quedar reducido a 24 meses.
"Valorou o proxecto de Vigo como un dos dez mellores que fixo en todo o mundo e pareceulle unha idea excepcional integrar a vella fachada na conxunto da estación", sinalou Caballero ante os medios de comunicación.
Segundo explicou o alcalde, o arquitecto estudará primeiro como se sitúa a vella fachada ante o muro de Vía Norte. "Ten o problema de que a fachada sobresae, pero por sorte é un pastiche, polo que suxire arrimalo contra as escaleiras e así pódese entrar", explicou.
A seguridade será un dos factores fundamentais neste encargo, mentres que no caso do ascensor público que conectará García Barbón coa estación Caballero e Mayne tiveron "intercambio de opinións".
"O ascensor vaise a facer porque é importantísimo, a cuestión a decidir é que pasa cando peche a estación, porque é un ascensor público, non da estación ni do centro comercial", sinalou o alcalde antes de engadir que ao arquitecto pareceulle ben unha única saída.
Caballero tamén explicou que a decisión debe tomarse no prazo dun mes, porque hai que cambiar o deseño das estruturas onde van as pasarelas para tomar a decisión definitiva de se será unha saída, dúas ou unha que se bifurca, así como onde apoia.
"Temos en marcha unha obra excepcional, tamén paralizada durante cinco anos, pero a esta cidade non hai quen a pare", concluíu Abel Caballero.