xoves, 22 novembro 2018

O goberno local adica 2 millóns de euros a bolsas de comedor e de libros para centros de Primaria e Secundaria

O alcalde de Vigo mantivo esta mañá un encontro con responsables de centros educativos de Primaria e de Secundaria da cidade aos que reiterou o compromiso municipal para seguir atendendo as necesidades do alumnado a través das achegas de comedor e de libros. O Concello adica 1,2 millóns de euros a axudas de comedor, incrementando a partida en 137.000 euros para poder atender todas as peticións. A esta cantidade hai que sumar os 600.000 euros que xestiona FOANPAS. As bolsas para libros teñen orzamento de 110.000 euros.

O Concello licita a vía verde ciclista e peonil por 1,4 millóns

xoves, 22 nov 2018

Caballero informou da aprobación dos pregos de condicións e apertura da licitación desta obra, que presenta un prazo máximo de execución de 6 meses. A senda verde discorrerá polas antigas vías do tren, desde Teis ata Urzáiz, 3,6 quilómetros de carril bici e peonil que contará con pasarelas de acceso desde as rúas Navarra e Bos Aires.