Abel Caballero avanzou que desde este venres, 8 de xuño, xa estarán a venda as entradas para asistir aos concertos de verán na zona de pé do Auditorio de Castrelos. O rexedor tamén sinalou que quedan dúas actuacións por confirmar.
Da man do Concello, Jean Michel Verne chega hoxe xoves á cidade, onde ofrece ás 19:30h unha conferencia no salón de actos do MARCO, despois de visitar a exposición "Jules Verne. Os límites da imaxinación" e a escultura do escritor no Náutico. "Queremos reforzar a cultura verniana en Vigo", explicou Caballero.
Tras unha reunión este xoves cos responsables de Motópolis, Caballero recordou que o goberno que preside leva desde 2016 rebaixando esta taxa nun 10% anual. Coa anunciada para 2019, a redución deste imposto acadará o 40%. Para as motos de 125cc ou menos, a bonificación xa é do 90%, o máximo permitido por lei.
O goberno vigués promove o voluntariado ambiental no arquipélago desde xullo ata o 9 de setembro, indicou Caballero este xoves. As tarefas a acometer serán a erradicación de especies invasoras, limpeza de espazos públicos e colaboración con proxectos de conservación e investigación. As inscricións, ata o 14 de xuño.
O alcalde participou este xoves na inauguración da sede da Asociación Galega de Familias Numerosas (Agafan) que abriu as súas portas nun local municipal da rúa San Francisco. Durante o acto, comprometeuse a seguir apoiando a un colectivo que en Vigo supera os 3.000 núcleos familiares.
O alcalde de Vigo, Abel Caballero, presentou hoxe o Enduro Vigo Bike Contest, XIX Trofeo Cidade de Vigo de mountain bike, unha proba de ciclismo de montaña con cinco tramos cronometrados que se disputará este domingo (11:00 horas) en montes de Vigo e de Redondela.
O goberno local investirá case 250.000 euros en calefacción e auga quente para as instalacións deportivas, nunha Xunta de Goberno na que tamén se deu luz verde ás bases reguladoras para as subvencións das festas tradicionais e patronais, cunha dotación económica de cen mil euros.