Segundo datos ofrecidos este luns polo alcalde, o Concello de Vigo adica 1.767.000 euros anuais a bonificar o autobús urbano dos escolares e universitarios, sen requerir estar empadronado na cidade, o que non acontece noutras urbes galegas. Caballero defendeu a autonomía municipal para aplicar as súas políticas e denunciou que a "Lei Feijóo" só se aplica en Vigo.
Abel Caballero visitou este luns as instalacións da nova pista de skate de Barreiro, onde os usuarios a cualificaron como "a mellor de Galicia". O Concello traballa tamén na construción doutra pista en Navia e este mesmo ano reformará a do Calvario, ademais de estar á espera de Patrimonio da Xunta para a do Castro.
Abel Caballero avanzou este luns que o goberno local iniciou o expediente de expropiación para levar a cabo a ampliación da senda fluvial do río Lagares entre a Avenida de Madrid e a rúa Manuel Álvarez. "Será a primeira vez na historia da cidade que dispoñamos dun paseo desde Samil ata Cabral", sinalou.
O alcalde denuncia "varas de medir distintas" de Fomento e Xunta de Galicia en Vigo e en Santiago, toda vez que o Ministerio publica no BOE a obra de conexión entre a AP9 e a Cidade da Cultura -na que a Xunta pagou as expropiacións- mentres que Vigo continúa "sen ter resposta" á demanda de conexión de Buenos Aires coa autoestrada.
O alcalde asinou este luns sendos convenios de apoio a APAMP, Menela, Érguete, Asociación de Persoas Xordas, AFAGA e FOANPAS. O Concello sufraga a actividade das seis con 721.500 euros.
O concelleiro de Deportes, Manel Fernández, presentou hoxe a vixésima terceira edición dos Xogos Autonómicos Special Olympics de fútbol sala, que se desenvolverán o vindeiro domingo 6 de maio na Pista Vermella do complexo deportivo municipal das Travesas, co patrocinio do Concello e da Deputación.