Abel Caballero esixiu este luns que o ministro de Fomento e o presidente da Xunta, que celebran hoxe unha reunión, se pronuncien sobre o AVE directo Vigo-Madrid por Cerdedo. O rexedor avanzou que, de non haber novidades sobre a liña, se celebrarán novas mobilizacións en setembro para reclamar a alta velocidade.
Segundo explicou este luns o alcalde, o Ministerio de Fomento xa remitiu o borrador do proxecto da obra á Consellería de Infraestruturas, polo que reclama que se inicien os traballos e se doten de orzamento.
O alcalde explicou este luns que Vigo é a cidade de Galicia cunha menor presión fiscal, ademais de ser a urbe galega na que menos se incrementou este indicador nos últimos anos. Caballero engadiu que Vigo tamén é a cidade cun maior gasto social.
A escudería da Universidade de Vigo, nacida na Escola de Enxeñería Industrial, presentou este luns o seu novo vehículo de Fórmula 1 co que competirán no campionato europeo interuniversitario. <br />
O alcalde recibiu este luns aos responsables de Anedia, entidade que quere abrir unha delegación en Vigo e que recibiu o apoio do Concello de Vigo. "Queremos estar do seu lado e do das súas familias", explicou Caballero, quen valorou como "moi interesante" a presenza na cidade nunha asociación destas características. <br />
A Vigo Battle of Teams, terceira edición dunha esixente competición de crossfit, deporte de moda importado de Estados Unidos, celebrarase esta semana, de venres a domingo, no complexo deportivo municipal de Samil co patrocinio do Concello de Vigo a través das concellerías de Deportes e Turismo, segundo anunciou o alcalde da cidade, Abel Caballero.