O alcalde informou da continuidade do proxecto de construción de 400 prazas de aparcamento de balde trala luz verde da Xunta de Goberno á oferta de contratación das obras por 538.000 euros. Tamén deu o visto bo ao convenio polo que FOANPAS recibe 606.000 euros do Concello para bolsas de comedor.
O alcalde de Vigo e presidente da Federación Española de Municipios e Provincias (FEMP) indicou este venres que solicitarán aos grupos parlamentarios no Congreso que se cambie o orzamento do Estado neste asunto. Caballero explicou que as cidades queren poder investir os 7.100 millóns aforrados no 2016, solicitude que o Goberno de España nega "de forma incomprensible".
O Concello de Vigo súmase á conmemoración do Día Internacional do Pobo Xitano coa colocación o 8 de abril dunha bandeira no edificio consistorial. Así o explicou este venres o rexedor logo de recibir o estandarte de mans de representantes de varios colectivos de etnia xitana. Esta data lembra o Primeiro Congreso Mundial romaní/xitano organizado en Londres en 1971 no que se instituíu a bandeira e o himno xitanos.
Abel Caballero comprometeuse a defender desde a FEMP as demandas destes municipios e destacou a necesidade de impulsar a actividade termal pra asentar poboación en nos pequenos municipais. Máis de medio centenar de alcaldes analizan hoxe e mañá o presente e o futuro do termalismo en Caldas de Reis.
A partir deste sábado e ata o día 12 de abril, setenta pianistas procedentes de 25 países participarán no primeiro Concurso Internacional de Piano de Vigo, organizado no Auditorio Martín Códax do Conservatorio Superior de Música. Este certame é unha mostra máis do "gran momento" que está a atravesar a música clásica na cidade, segundo o concelleiro de Cultura.
O certame Vigo Porté acada nesta nova edición a categoría de internacional coa presenza dunha escola de Portugal e contará con 40 centros de danza de Galicia, León e Madrid. A concelleira de Turismo e Festas presentou o programa este venres xunto á directora do mesmo, Lorena López.