martes, 5 xaneiro 2016

Caballero e Pastor manterán unha reunión en Madrid para abordar as estacións, o AVE e a reforma da Avenida de Madrid

O alcalde de Vigo, a ministra de Fomento en funcións, Ana Pastor, e a conselleira de Infraestruturas, Ethel Vázquez, reuniranse o próximo luns día 11 en Madrid para abordar, entre outras cuestións, o encaixe urbanístico da estación de tren de Urzáiz, a estación intermodal, a conexión por Cerdedo e a remodelación da Avenida de Madrid. Caballero confía en que este encontro entre as tres administracións sirva "para desatascar estas cuestións".

O goberno retoma a humanización de Marqués de Valterra logo de rematar as catas arqueolóxicas

martes, 5 xan 2016

O Concello de Vigo retomará a humanización da rúa Marqués de Valterra unha vez realizadas as catas arqueolóxicas que atrasaron as obras. Tamén se adxudicaron os traballos de reparación do muro na traza do canal de Eiras e as obras do ensanche do estreito da Pividal, na Avenida Santa Marina. que tivo que ser interrompida pola necesidade de realizar catas arqueolóxicas

O Concello buscará fórmulas para premiar aos mellores expedientes académicos de ESO e Bacharelato

martes, 5 xan 2016

O alcalde recibiu esta mañá a cinco estudantes premiados polo seu alto rendemento académico, dos que catro recibiron o Premio Extraordinario de Galicia da ESO e a última, o Premio Extraordinario de Bacharelato. Ademais de felicitalos, Caballero avanzou a vontade do Concello de estudar "fórmulas para axudar e estimular desde o Concello a estes estudantes avantaxados".

O alcalde destaca a calidade dos equipos de fútbol vigueses

martes, 5 xan 2016

Abel Caballero entregou este martes os premios do Trofeo de Nadal Concello de Vigo que se disputou en Navia e no que participaron 1.800 nenos e nenas de 151 equipos aos que animou a seguir practicando deporte para manter o alto rendemento e calidade que caracteriza ao fútbol vigués.