"Nada desexa tanto o alcalde como escoitar que o Porto vai ben". Con esta premisa, o rexedor recibiu este martes ao novo presidente da Autoridade Portuaria de Vigo, Enrique López Veiga, nun encontro cordial no que lle amosou o apoio do Concello á súa xestión, xa que considera que as dúas entidades deben traballar xuntas polo ben da cidade.
Abel Caballero deu conta esta mañá do envío dunha carta ao vicepresidente da Xunta, Alfonso Rueda, transmitíndolle que xa están a disposición do terreos para construír a Cidade da Xustiza. En declaracións aos medios, o rexedor instou ao goberno autonómico a comezar "de inmediato" as obras.
Segundo revelou este martes o alcalde e presidente da FEMP, o Goberno de España paraliza a aplicación da Lei de Racionalización e Sustentabilidade da Administración Local -que obriga aos concellos a deixar de aplicar política social desde 2016- ata que se teñan negociado as normas de financiamento autonómico e local. "Coa carta do secretario de Estado, o Goberno recoñece que a lei é un erro e unha catástrofe que ten que ser paralizada", apuntou Caballero.
Abel Caballero valorou este martes a celebración do quinto aniversario de Fundamar, un "feito da maior importancia" ao estar representados patronal e sindicatos "na procura dunha senda común" para o sector, en seguridade laboral, calidade no emprego, actividade económica e pesca responsable. O alcalde avogou por priorizar a pesca sobre intereses particulares e ofreceu a "cooperación" do Concello para que Vigo "siga liderando a pesca en Europa".
O mércores dia 4 comeza a terceira edición do festival vertixeVIGO15, un festival internacional de creación musical contemporánea que se extenderá durante todo o mes de novembro e que organizan conxuntamente a Concellería de Cultura e maila Asociación Cultural VERTIXE SONORA.