O alcalde asinou esta mañá coa Asociación Novo Vigo un convenio de colaboración de 5.000 euros para cooperar cos gastos do aluguer do local social de Teixugueiras. Durante a reunión, o rexedor avanzou o próximo inicio das obras de construción do parque das enerxías renovables de Navia.
O alcalde invitou esta mañá a todo Vigo a achegarse ao MARCO ata o próximo 27 de setembro para gozar da exposición Luis Seoane Retrato de Esguello. A mostra está composta por 300 obras, representativas da traxectoria deste "poliédrico, polivalente e xenial" artista, dixo o rexedor na rolda da prensa.
O concelleiro de Deportes, Manel Fernández, presentou hoxe venres o primeiro gran acto deportivo do Comesaña logo da recepción oficial do Concello a todos os estamentos da entidade de San Andrés de Comesaña en abril pasado.
O Pleno de constitución da nova Corporación e elección do alcalde celébrase o sábado 13 de xuño, ás 11 horas, no auditorio municipal. Os 27 corporativos xurarán ou prometerán o seu cargo para con posterioridade proceder á elección do próximo alcalde de Vigo.