O alcalde de Vigo visitou hoxe martes os traballos de mellora que está a levar adiante o Concello na Avenida da Florida, como parte do Plan Verde municipal, que conta cun orzamento próximo ao millón de euros. En base a esta actuación, o goberno de Vigo habilita zonas axardinadas en distintos puntos do nomeado vial e mellora as redes de abastecimento e saneamento.
Coa entrega de 340 números para outras tantas peticións, pechou esta mañá o prazo de solicitude do Plan Extraordianario de Familias, dotado con 2 millóns de euros. Tal e como avanzou o rexedor, técnicos municipais estiman que o número de demandas podería superar as 3.000.
O alcalde de Vigo asinou hoxe martes un convenio de colaboración por valor de 8.000 euros coa Fundación Menela. Segundo explicou posteriormente, en rolda de prensa, o obxectivo é desenvolver un programa de respiro familiar a cuidadores de persoas con discapacidade.
Segundo o convenio asinado este martes polo alcalde e os responsables do club deportivo, o goberno de Vigo achega 48.000 euros para respaldar ao primeiro equipo, como club de elite no baloncesto en cadeira de rodas, e tamén para "intensificar" a súa división de base.