Durante a súa intervención no IFEVI, o alcalde eloxiou a elección de Vigo como sede do curso estatal "Terrorismo, Seguridade Cidadá e Violencia Antisistema: estratexias e tendencias", organizado pola Unión Federal de Policía durante hoxe mércores e mañá xoves. Caballero reiterou, ao igual que o director xeral da Policía Nacional, que Vigo é unha cidade segura.
O alcalde de Vigo aceptou hoxe a invitación dos responsables de xubilados de Comisións Obreiras para participar na terceira edición do Seminario das Mulleres pensionistas, de ámbito galego. A cita será o próximo 21 e 22 de outubro no Hotel Coia.
O alcalde asinou hoxe un convenio coa Fundación Secretariado Xitano por importe de 16.000 euros. O obxectivo é "unir esforzos para mellorar a integración social e laboral" da comunidade xitana, explicou Caballero.
No Centro de Documentación e Recursos feministas presentase o xoves 17 de outubro ás 19.00 horas o libro "Historias de Crazy Bar y otros relatos de lo imposible" de Lola Robles e Concepción Regueiro(Ed. Stonewall, 2013).Interveñen as autoras.
Este venres, 18 de outubro, ás 20:00 h, a Fundación Laxeiro (r/ Policarpo Sanz, 15) inaugura a exposición que compón a terceira entrega do ciclo Entre mares que, en colaboración con Collblanc, espai d’art de Castelló, leva, por terceiro ano consecutivo, posibilitando o intercambio de artistas de Galicia, que mostran o seu traballo na Comunidade Valenciana (no espazo Collblanc), e artistas valencianos que mostran o seu traballo na Fundación Laxeiro.