O alcalde de Vigo anunciou a petición de que os proxectos de centros de iniciativas empresariais da Zona Franca teñan a súa sede en Vigo. Enfatizou que o seu voto favorable ás contas xerais do Consorcio está condicionado a esta solicitude porque esta cidade con máis dinámica empresarial e de novas tecnoloxías.
O alcalde asistiu este xoves á apertura desta mostra tecnolóxica interactiva, posta en marcha en Samil pola Obra Social "La Caixa" en colaboración co Concello de Vigo durante o mes de agosto. A exposición "ten que ver cunha cidade investigadora e cunha gran capacidade tecnolóxica", asegurou Caballero.
Abel Caballero recibiu hoxe xoves a 25 músicos que ensaian na instalación municipal de Vigosónico, en Valladares, que trasladaron ao alcalde a súa "satisfacción" polo funcionamento do recinto, segundo indicou o alcalde. Unha representación destes grupos actuarán nas festas de verán.
O grupo madrileño, Fangoria, presenta en Vigo o seu novo traballo, "Cuatricromía". Tras a suspensión a semana pasada debido ao loito oficial, a nova cita será mañá venres 2 de agosto ás 23 horas, no Auditorio de Castrelos.
Este venres 2 de agosto, rap, hip hop e reggae volven ao Castro da man de Xandre Ground e Ivo, no centro de dinamización xuvenil "Súbete ó Castro" e dentro do programa Vigo en Festas, a partir das 22 horas. O cartel complétase o sábado coa actuación de Fuck Paradise e Drug Rabbit.