A concelleira de Medio Ambiente, Chus Lago, deu conta hoxe martes da instalación das primeiras mesas de traballo -na horta urbana de Pedro Alvarado- adaptadas á persoas con mobilidade reducida. Trátase dixo, dun novo impulso, nun proxecto no que xa participan preto de 400 vigueses.
Os días 21, 22, 23, 27, 28 e 29 de maio o Auditorio Municipal do Concello de Vigo, albergará, baixo a dirección técnica da Escola Municipal de Teatro, as IV XORNADAS MUNICIPAIS DE TEATRO ESCOLAR, nas que participarán máis de 400 novos actores e actrices pertencentes a 15 centros de educación primaria e aos grupos de nenos/as da Escola Municipal de Teatro de Vigo. Estas xornadas posibilitan unha experiencia de participación aberta a toda comunidade educativa: alumnado, profesorado, familias e contorno.
O martes 21 e xoves 23 de maio ás 19:00 h no Auditorio do Concello, con entrada gratuíta,achegarase a figura do homenaxeado este ano no Día das Letras Galegas,Roberto Vidal Bolaño,a través do cine e xunto coa actriz Uxía Blanco. <br />