O alcalde indicou este xoves que avanza o proceso para establecer o centro municipal de inclusión social na sede das Misioneiras do Silencio, en Marqués de Valterra, tras o que adiantou que actualmente estuda un borrador de convenio. Caballero explicou que non parará os traballos de adaptación da Escola de Hostelería ata que se concrete a primeira opción.
Abel Caballero mantivo na tarde de onte mércores unha reunión cos veciños da rúa Colombia e da Seara que foron realoxados para comunicarlles a decisión do goberno municipal unha vez recibidos os informes técnicos. Co retorno ás súas vivendas dos inquilinos do 18 de Colombia e de A Seara, unicamente quedan aínda en realoxo os do número 20 da primeira rúa, que precisan de 10 ou 15 dias máis.
As asociacións de comerciantes Vigo Vello, Mercado do Berbés, Centro Príncipe, Mercado do Progreso e Zona Centro presentáronlle este xoves ao alcalde a decisión de crear a federación "Vigo Histórico", enfocada singularmente ao turismo. Abel Caballero amosou a súa "satisfacción" pola decisión e adiantou que "estaremos apoiándoles" porque o comercio é "parte importante" da actividade económica viguesa.
O alcalde, Abel Caballero, recibiu este xoves á dirección galega da entidade, que está a implantarse en Galicia a través de Vigo co obxectivo de divulgar os síntomas da enfermidade e dar apoio ás familias dos afectados. O rexedor sinalou que en 10 ou 20 días terá lugar a presentación pública da actividade desta Fundación nas propias dependencias municipais.
A prohibición de relacións amorosas entre empregados dunha mesma empresa centra a obra teatral "Contraaccións", da compañía Carrallada Show, que se representa o venres día 11 de novembro no Auditorio Municipal ás 21 horas.