O tenente de alcalde, Santi Domínguez, inaugurou hoxe a remodelación da rúa Teófilo Llorente que, segundo dixo, supón o punto de partida da "reconquista real" do Casco Vello. As obras, que transformaron a rúa nun espazo peonil, contaron cun investimento dun millón de euros, o orzamento máis alto que ata o momento o Concello de Vigo ten realizado no barrio histórico.
Abel Caballero acudiu este venres ao Conservatorio Superior de Música de Vigo para facer entrega dun diploma acreditativo aos músicos da Banda Sinfónica de Vigo que interpretaron distintas pezas na celebración do Día de Galicia na cidade. O alcalde mantivo tamén unha reunión co Presidente da Federación de Bandas e cos Directores e Presidentes das Bandas de Vigo.
María Castro asegurou hoxe sentirse "orgullosa e emocionada" por ter a oportunidade de ser a pregoeira da Semana Grande das Festas de Vigo. "É unha honra ser a pregoeira das festas de Vigo e non o pensei nin un momento cando mo ofreceron, so intentar adaptalo a miña axenda, xa que estamos gravando a serie todo o verán e esa era a única dificultade".
Convocada pola Federación Española de Municipios e Provincias, Vigo guardou este venres 5 minutos de silencio en memoria dos dous guardias civís asesinados por ETA e repulsa aos últimos atentados en Burgos. A Corporación, a presidenta do Porto e a delegada da Xunta en Vigo participaron da homenaxe.
Abel Caballero quixo mostrar este venres o seu recoñecemento e agradecemento a Paco, Francisco Martínez Muñoz, oficial conserxe do Concello de Vigo que xubílase con corenta e oito anos de dedicación á Casa Consistorial viguesa. O alcalde recibiuno na Alcaldía para transmitirlle os mellores desexos cara á nova etapa que comeza.