O Concello desenvolve durante o presente mes de decembro a campaña "Unha bici, un sorriso", consistente na recollida de bicicletas usadas para a súa reparación e posterior entrega, o día de Reis, a persoas con escasos recursos.
Cincuenta e cinco nenos e nenas de idades comprendidas entre os cinco e os 14 anos competirán o sábado 10 de decembro no VIII Campionato Galego de Tiro con Arco, que se desputará no Pavillón Municipal de Bouzas.
Entre as actividades de Vigozoo para este Nadal destacan a campaña "Nadal Solidario. Un neno, un alimento", as visitas escolares, o programa "Aula no zoo" e a celebración de aniversarios para nenos.
O Pleno da Corporación Municipal, reunido o mércores con carácter extraordinario, aprobou inicialmente, cos votos a favor do PP e a abstención dos grupos da oposición, o proxecto de modificación puntual do acordo que regula as condicións de traballo do persoal do Concello, establecendo gratificacións con efectos do ano 2005.