A concelleira da Muller, Lucía Molares, inaugurou hoxe mércores a exposición "Motiva", composta por 70 mupis ou carteis elaborados por varios artistas para sensibilizar a sociedade sobre a violencia de xénero. A mostra poderá contemplarse nas rúas da cidade e na lonxa do Concello durante o presente mes de novembro.
A Biblioteca Pública Central de Vigo incorpora neste curso académico unha nova actividade destinada aos nenos inmigrantes e que ten como obxectivo fundamental facilitar a súa integración lingüística e social.
O Hotel Lisboa de Vigo acollerá mañá, xoves 3 de novembro, e pasadomañá, venres 4, o X Encontro Sindical da Muller, organizado pola CIG, CCOO e UXT coa colaboración do Concello. Neste Encontro, centrado este ano nos convenios colectivos, analizarase a situación laboral actual das mulleres e debatiranse fórmulas para alcanzar a igualdade de oportunidades.